Adrodd Storïau mewn Cyd-destun

Mae adrodd straeon yn ddull cynyddol boblogaidd ar gyfer ymarfer a pholisi iechyd, gofal cymdeithasol a lles. Mae adrodd straeon yn galluogi sefydliadau i wrando ar 'yr hyn sydd bwysicaf' ar gyfer defnyddwyr eu gwasanaeth a'u staff a chreu darpariaeth wybodus, wedi'i harwain gan anghenion defnyddwyr gwasanaeth a dyrannu adnoddau yn effeithiol. Fodd bynnag, nid oes llawer yn bodoli i sicrhau bod ymarferwyr yn drylwyr, yn wybodus o ran ymchwil, ac yn gymwys.

Bydd y prosiect hwn yn archwilio'r potensial i gynyddu cynnig y Ganolfan i sicrhau hyfforddiant, cyrsiau a chyfnewid gwybodaeth effeithiol. Dan arweiniad cyn-fyfyrwyr Ymchwil Ôl-raddedig y Ganolfan (Hilary Dyer, Anna Suschitzky), sydd wedi dod yn arbenigwyr blaenllaw yn y diwydiant mewn adrodd straeon ar gyfer iechyd a gofal cymdeithasol sydd wedi cefnogi tîm academaidd y Ganolfan, ac mewn partneriaeth â Gofal Cymdeithasol Cymru, mae'r prosiect hwn yn gobeithio gwneud gwahaniaeth i bobl sy'n dymuno gwreiddio adrodd straeon ar sail ymchwil fel rhan o'u hymarfer proffesiynol ym maes iechyd, gofal cymdeithasol, a meysydd cysylltiedig.

Bydd y prosiect hwn yn cefnogi uchelgeisiau'r Brifysgol i "fod yn adnabyddus am addysgu a dysgu sy'n seiliedig ar ymchwil" ac "yn amlwg yn cyfrannu at weithgareddau dysgu ac addysgu a throsglwyddo gwybodaeth ar sail her” (Strategaeth Ymchwil ac Arloesi) gyda ffocws ar ddarpariaeth cyrsiau sy'n arloesol, yn hygyrch ac ag effaith.