Rhyfela Hybrid a Seiberddiogelwch yr UE

Mae Modiwl HYBER Jean Monnet yn archwilio agwedd seiberddiogelwch ar ryfela hybrid, gan ganolbwyntio ar dactegau seiber ymosodol fel dull cost-effeithiol sy'n targedu cymdeithasau democrataidd, yn enwedig yn yr UE. Gan fod cyfundrefnau llawdrwm fel Rwsia a Tsieina yn troi fwyfwy at ymosodiadau seiber, mae'r modiwl yn cyfrannu at drafodaethau ar fygythiadau a pholisïau seiberddiogelwch yr UE. Gan adeiladu ar fy mhrofiad fel Uwch Gymrawd Ymchwil Marie Curie a chymryd rhan yn y prosiect EUHYBRID, mae HYBER yn cynnig modiwl ôl-raddedig ar fygythiadau seiber mewn rhyfela hybrid. Mae'r prosiect yn darparu dysgu cyfunol trwy sesiynau cydamserol ac anghydamserol, ynghyd ag asesiadau ffurfiannol a chrynodol, seminarau, gweminarau, gweithdai, ac ymarferion efelychu. Nod y gweithgareddau hyn yw gwella dadansoddiad beirniadol a dealltwriaeth myfyrwyr o gysyniadau a fframweithiau rhyfela hybrid, ynghyd â'r materion cyfreithiol, cymdeithasol-ddiwylliannol a moesegol mewn llywodraethu a diogelwch seiberofod.



www.hybereu.net