Ffordd o fyw pobl sy'n defnyddio heroin

Y prif amcan yw rhoi hwb i ymchwil a fydd yn helpu i leihau niwed ymhlith pobl sy'n defnyddio heroin. Y nod yw treialu astudiaeth gydweithredol ar raddfa fach i lywio'r gwaith o ddatblygu cynnig ar gyfer prosiect mwy ledled y DU i'w gyflwyno i'r Cyngor Ymchwil Economaidd a Chymdeithasol (Grant Ymchwil Agored). Bydd yr astudiaeth beilot yn ein galluogi i brofi dichonoldeb cynllun yr ymchwil a chryfhau ein cais drwy ein galluogi i ddangos ein gallu i gynnal yr ymchwil a'r gwerth am arian (ac i'r gymdeithas) y mae'r prosiect yn ei gynnig. Mae'r prosiect yn cyd-fynd â strategaeth PDC 2030, yn enwedig ei weledigaeth o newid bywydau a'n byd er gwell, ei ffocws ar gynhwysiant ac ymgysylltu â phartneriaid allanol. Mae'r ymchwil arfaethedig yn ceisio gwella dealltwriaeth o ffyrdd o fyw pobl sy'n defnyddio heroin. Mae hyn yn bwysig o ystyried bod marwolaethau o ganlyniad i ddefnydd heroin ar y lefelau uchaf erioed ac y gellir atal y rhan fwyaf o'r marwolaethau hyn.