Proffil y Sefydliad

Mae'r Grŵp Ymchwil ac Arloesi Addysgeg (PedRig) yn hybu ac yn datblygu ymchwil addysgegol a gydnabyddir yn rhyngwladol, gan adeiladu sylfaen dystiolaeth sy'n gwella dysgu, addysgu, ac enw da ysgolheigaidd ehangach PDC.

Rydym yn meithrin addysgu sy'n ymwneud ag ymchwil ac yn cyfrannu at ddatblygu gwybodaeth ac arferion gorau mewn addysgeg, gyda ffocws penodol ar y cyd-destun addysg uwch. Er mai addysg uwch sy’n parhau i fod yn faes diddordeb canolog inni, rydym yn cydnabod ac mae gennym ddiddordeb mewn arferion addysgegol ar draws cyd-destunau a sefyllfaoedd cymdeithasol-ddiwylliannol amrywiol, ac rydym yn gwerthfawrogi'r gydberthynas rhwng addysg uwch a systemau addysg eraill.

Mae ein grŵp yn cysylltu ymchwilwyr o gwmpas themâu strategol, gan annog cydweithio rhyngddisgyblaethol Rydym wedi ymrwymo i feithrin amgylchedd cynhwysol a chefnogol sy'n meithrin Ysgoloriaeth Dysgu ac Addysgu ac sy'n gyrru newid addysgol cadarnhaol.

Themâu Ymchwil

Mae ein hymchwil wedi'i threfnu o amgylch tair thema ryng-gysylltiedig sy'n adlewyrchu ein hymrwymiad i gynwysoldeb, arloesedd ac effaith gymdeithasol. Mae pob thema yn hybu cydweithio ar draws disgyblaethau ac yn ymateb i'r heriau a'r cyfleoedd sy'n wynebu addysg uwch heddiw.

Mae'r themâu yn rhyng-gysylltiedig ac yn atgyfnerthu ei gilydd. Gyda'i gilydd, maent yn amlygu uchelgais PedRig i greu amgylcheddau dysgu teg a chynaliadwy wedi’u galluogi'n ddigidol sy'n paratoi myfyrwyr ar gyfer y dyfodol.

Arloesi Digidol a Thrawsnewid Addysgegol

Mae'r thema hon yn archwilio sut y gall arferion digidol a thechnolegau sy'n dod i'r amlwg drawsnewid dysgu ac addysgu mewn addysg uwch.

Pobl, Diwylliannau a'r Amgylchedd 
Ymchwilio i sut mae pobl, diwylliannau ac amgylcheddau dysgu yn llywio profiadau, canlyniadau a newid addysgol teg, gyda ffocws ar fynd i'r afael â bylchau dyfarnu, ehangu mynediad, cryfhau perthyn a chefnogi rhagoriaeth mewn dysgu ac addysgu.
Is-themâu: tegwch a chanlyniadau gwahaniaethol, newid addysgol, ymdeimlad perthyn i fyfyrwyr a chymuned.

Addysgeg sy'n canolbwyntio ar y dyfodol
Datblygu dulliau cwricwlwm ac addysgu cynhwysol, hyblyg a chynaliadwy sy'n paratoi myfyrwyr ar gyfer heriau proffesiynol, dinesig a byd-eang yn y dyfodol.
Is-themâu: cwricwlwm ac addysgeg gynhwysol, trawsnewid cwricwlwm mewn addysg uwch, addysg ar gyfer datblygu cynaliadwy a dinasyddiaeth fyd-eang.

Arloesi Digidol a Thrawsnewid Addysgeg
Archwilio sut y gall arferion digidol, offer a thechnolegau sy'n dod i'r amlwg wella dysgu, addysgu, asesu a mynediad myfyrwyr.
Is-themâu: addysgegau ddigidol a dysgu digidol, tegwch a mynediad digidol, DA a thechnolegau sy'n dod i'r amlwg mewn addysg.

Cyswllt

Arweinydd: Karl Luke