Mae'r Grŵp Ymchwil ac Arloesi Peirianneg yn cysylltu arbenigedd o bob rhan o feysydd peirianneg i ddatblygu atebion arloesol i heriau byd-eang.

Mae ein timau amlddisgyblaethol a rhyngddisgyblaethol arbenigol yn canolbwyntio ar:

• Deunyddiau Peirianneg Uwch a Chynaliadwy 
• Peirianneg Drydanol ac Electronig 
• Peirianneg Fecanyddol ac Awyrofod

Rydym wedi ymrwymo i adeiladu dyfodol gwell trwy greu deunyddiau adeiladu sy'n dda i'r blaned, gan ddefnyddio technolegau deallusrwydd artiffisial (AI) blaengar ar gyfer monitro iechyd strwythurol, a datblygu technegau i uwchraddio seilwaith presennol. Ein nod yw sicrhau bod yr adeiladau a'r pontydd a ddefnyddiwn bob dydd yn galed, yn gyfeillgar i'r amgylchedd, ac yn sefyll prawf amser, gan fod o fudd i’r gymdeithas gyfan.

O ddatblygiadau arloesol mewn ffotoneg, optoelectroneg ac optomecaneg i gyfraniadau trawsnewidiol ym maes telathrebu, synhwyro, mesureg, arddangos, goleuo ac iechyd, rydym ar flaen y gad o ran cynnydd mewn peirianneg drydanol.

Ym maes peirianneg fecanyddol, rydym yn wynebu heriau yn uniongyrchol, gan archwilio cymhlethdodau dylunio system reoli, deunyddiau awyrofod, ynni, thermodynameg, a modelu trosglwyddo gwres. Gyda'n gilydd, rydym yn llunio dyfodol lle mae arloesi a chynaliadwyedd yn cydgyfarfod i ailddiffinio ffiniau'r hyn sy'n bosibl.

Ymchwil Ôl-raddedig

Rydym yn croesawu ceisiadau am ymchwil ôl-raddedig yn un o'n meysydd arbenigedd. 

Gweithio gyda ni

Rydym yn angerddol am weithio gyda phartneriaid i fynd i’r afael â heriau’r byd go iawn. Mae ein harbenigwyr yn gweithio gyda sefydliadau o bob maint, ac o bob sector, i ddatblygu syniadau, cynhyrchion a gwasanaethau newydd sy'n datrys problem benodol. Rydym yn helpu llunwyr polisi i gasglu tystiolaeth i ddeall anghenion a phrofiadau sector neu ddiwydiant er mwyn llywio atebion yn well. 

Cyswllt

Arweinydd: Athro Cyswllt Jiping Bai